A MODO DE INTRODUCIÓN
O sistema educativo español sitúanos nun modelo de escola inclusiva. Isto quere dicir que a escola ha de estar sometida a un constante proceso de innovación para poder dar resposta ás necesidades de todo o alumnado que necesita estar incluido na vida escolar e social da súa comunidade.
Tamén o alumnado con altas capacidades necesita desenvolver o sentido de pertenza á súa comunidade, onde se sinta aceptado e poida aportar riqueza a esas comunidades de aprendizaxe nas que, desenvolvéndose escolar e socialmente, poidan contribuír ao desenvolvemento dos seus compañeiros/as, desenrolar a autoestima e a capacidade de valia propia e dos demais membros da comunidade.
Cando un centro ten escolarizados a alumnos/as con AA CC, as aulas nas que están ubicados han de ser, si ou si, aulas avanzadas, onde cada alumno/a terá que ir subindo banzos, asumindo retos diarios no seu proceso de aprender e non permanecer estanco ensinándolle a meirande parte das veces o que xa sabe.
Pretendemos que o profesorado interveña sobre o currículo, que o modifique, que o abra, que o amplie ou enriqueza, segundo as necesidades que atope na aula que lle toca xestionar. Aulas que establezan dinámicas participativas capaces de transformar a información en coñecemento epistemolóxicamente válido e socialmente útil e relevante para desenvolverse nesta sociedade do coñecemento.